Diàlogu
Sardu Italianu
Fabio: Giai chi semus pasende·nos bos fatzo unu indevìngiu! Nde tenides gana?
Claudio: Eja! E bidimus si no l'apo a intzertare deo!
Fabio: E ma est cosa pro bìdere chie est prus inteligente custa!
Claudio: Nara! Semus prontos!
Fabio: Unu caddu faghet mesu metru a ogni passu. Cantos passos depet fàghere pro traessare unu chilòmetru?
Claudio: E custu est giogu de inteligèntzia? Ite bi bolet a lu cumprèndere?
Fabio: Amus a bìdere chie l'intzertat!
Daniele: Iseta ca pigo pabiru... torra·lu a repìtere ca mi l'iscrio...
Fabio: Unu caddu faghet mesu metru a ogni passu. Cantos passos depet fàghere pro traessare unu chilòmetru?
Claudio: Duncas... tenimus unu caddu chi si movet de mesu metru...
Daniele: Tocat a bìdere cantas bortas su mesu metru lu cabet a intro de su chilòmetru...
Claudio: E canto metros bi sunt in unu chilòmetru... e sunt milli! Hmm... tropu fàtzile mi paret, in ue est su trucu?
Daniele: Chi pro unu metru sunt duos passos... pro milli metros sunt duamìgia passos!
Claudio: Eja, su contu torrat! Giustu est?
Fabio: E seis isballiende!
Claudio: Non est beru! Su resonamentu torrat paris!
Fabio: Eh eh eh... ma tue non as pensadu bene a s'abbisa·abbisa! B'at una cadùmbula!
Daniele: S'istrema giogu puru? Tue non nos frigas...
Claudio: Pro mie est piochende·nos! No l'ascurtes... est duamìgia!
Fabio: Assora, arrèndidos bos seis?
Daniele: Toca, nara·nos·lu tue custa borta...
Fabio: Andat bene! Non est duamìgia ma bator mìgia passos!
Claudio: Ma bae... a chie boles frigare? Giai non tenimus mancu bisòngiu de carculadore!
Fabio: E tzertu! Su caddu tenet bator pees, non duos! Ahahahah.
Daniele: E chie l'aiat pensadu? Belligheddu però!
Claudio: Ahahah... ispitzu ti crees? Ma como tocat a nois, beru Daniele?!